በአጥቢያ ዶት ኮም ፕሮጀክት ተቋራጭነት የተሰራው የዚህ አመት (2015) የግቢ ጉባኤያት ተመራቂዎች ዲጅታል መጽሔት ስራ በታቀደለት የጊዜ ሰሌዳ መሰረት ዛሬ ሐምሌ 8 ቀን 2015 ዓ.ም. ተጠናቀቀ። በፕሮጀክቱ ሒደት ልዩ ልዩ የሲስተም ማሻሻያ ስራዎች፣ ስልጠናዎች እና ሌሎች እንቅስቃሴዎች የተካሔዱ ሲሆን የዚህ አመት ዲጅታል መጽሔት በይዘት እና በጥራት ደረጃው ከፍ ያለ መሆኑ ታውቋል። ዲጅታል የምረቃ መጽሔቱ ለተመራቂዎች ከዛሬ ጀምሮ በስርጭት ላይ የሚገኝ ሲሆን በቀጣይም የግቢ ጉባኤያት ማስተባበሪያው የማስተዋወቂያ መርሐግብር እንደሚያዘጋጅ ታውቋል።።

አጥቢያ ዶት ኮም ለፕሮጀክቱ በተያዘለት ጊዜ መሳካት አስተዋጽዖ ያደረጉ የግቢ ጉባኤያት አገልግሎት አስተባባሪዎች (በሁሉም እርከን ላይ የሚገኙ) ከፍ ያለ ምስጋናን ያቀርባል።

ትናንት ሰኔ 19 ቀን 2014 ዓ.ም. “ውጤታማ እቅድ ዝግጅት” በሚል ርዕስ በአጥቢያ ዶት ኮም አስተባባሪነት በአለም አቀፍ የሰንበት ት/ቤት አንድነት የስልጠና እና የምክክር መርሐግብር ተካሔደ።

በመርሐግብሩ 35 ተሳታፊዎች የታደሙ ሲሆን በአውደጥናት መልክ በውይይት እና ገለጻዎች በታጀበ መልኩ ተካሒዷል። በስልጠናው የተሸፈኑ አንኳር ነጥቦች፦
1. የእቅድ ምንነት እና አስፈላጊነት
2. በእቅድ ዝግጅት ዙሪያ ያሉ ጽንሰ ሐሳቦች
3. ወደ መሬት ለማውረድ የሚያግዝ የትግበራ ሒደት እና ተያያዥ ቅጾች

መርሐግብሩ መነሻ ግንዛቤን መፍጠር የቻለ ሲሆን በቀጣይ ሊሰራባቸው የሚገቡ አቅጣጫዎችንም ጠቋሚ ሆኗል። በተቋም ግንባታ ዙሪያ የሚሰጡ ስልጠናዎች እና የምክክር መርሐግብሮቹ ቀጣይነት እንደሚኖራቸው ተገልጿል።