የስቶክሆልም ምዕራፈ ቅዱሳን አቡነ ተክለ ሃይማኖት ቤተክርስቲያን ድረገጽ ተሻሽሎ ቀረበ። ድረገጹ ከዚህ ቀደም በአጥቢያ ዶት ኮም የተሰራ ሲሆን የዶሜይን ስም እና የገጽታ ለውጥ በማድረጉ በአዲስ መልኩ እንዲሻሻል ምክንያት መሆኑ ታውቋል

አጥቢያ ዶት ኮም የዚህን ዓመት /2015 ዓ.ም./ የማኅበረ ቅዱሳን ግቢ ጉባኤ ተመራቂዎች ዲጅታል መጽሔት ዝግጅት ስራን ጀምሯል።

የትግበራ ፕሮጀክቱ በ2 ግብረ ኃይሎች የተከፈለ ሲሆን በትግበራው ግዜ ሰሌዳ መሰረትም ፕሮጀከቱ ሰኔ 30 ላይ ይጠናቀቃል። ፕሮጀክቱ የተመራቂ ተማሪዎችን መረጃ ማስገባት፣ ዲጅታል መጽሔቱን የማዘጋጀት እና ተደራሽ የማድረግ ዋና ዋና ግቦችን ይዞ የሚሰራ ይሆናል።

አጥቢያ ዶት ኮም ባለፈው የትምህርት ዘመን (2014 ዓ.ም.) በተመሳሳይ ትግበራ የተመራቂዎችን መጽሔት በጥራት እና በተፈለገው የጊዜ ሰሌዳ ማዘጋጀቱ እና ተደራሽ ማድረጉ ይታወሳል።

አጥቢያ ዶት ኮም በቅርቡ ሰርቶ ያስረከበውን የስዊድን፣ ስካንዲናቭያና የግሪክ ሀገሮች ሀገረ ስብከት ድረገጽ የማስተዳደር ሥልጠና ሀገረ ስብከቱ የአይ.ሲ.ቲ. /Information Communication Technology/ ክፍል አባላት ትናንት ኅዳር 22 ቀን 2015 ዓ.ም. ተሰጠ።

በሥልጠናው የአይ.ሲ.ቲ. ክፍሉ በአጥቢያ ዶት ኮም አጋዥነት ያዘጋጀው የድረገጽ አስተዳደር መመሪያ ላይ ገለጻ የተደረገ ሲሆን ድረገጹ ስለሚመራበት የተለያዩ የትግበራ ሂደቶች ውይይት ተደርጓል። በቀጣይም የድረገጹ መተግበሪያ ዝርዝር ሥልጠና የተሰጠ ሲሆን ከባለሞያዎች ለተነሱ ጥያቄዎችም ምላሽ ተሰጥቷል። በመርሐግብሩ ሁለት ካህናት አባቶች በመገኘት መርሐግብሩን የባረኩ ሲሆን ጥሩ ጅማሮ መሆኑን እና ከዚህም በላይ መስራት እንደሚገባ በመግለጽ የማበረታቻ መልእክታቸውን አስተላልፈዋል።

በአጥቢያ ዶት ኮም አበልጻጊነት የተሰራው የሀገረስብከቱ ድረገጽ ትልቅ የሆነ የቴክኖሎጂ እና የገጽታ ማሻሻል ተደርጎበት ክለሳ 3 (version 3) ለተጠቃሚዎች ቀርቧል። በኤርትራ ኦርቶዶክስ ተዋሕዶ ቢተክርስትያን የስካንዲናቭያ እና ፊንላንድ ሀገረስብከት ድረገጽ ለመጀመሪያ ጊዜ እ.ኤ.አ. በ2014 ዓ.ም. የተሰራ ሲሆን ሁለተኛ ማሻሻያ በ2019 እንደተደረገለት ታውቋል።

ከቴክኖሎጂ ተለዋዋጭነት አንጻር አጥቢያ ዶት ኮም ድረገጹን የማሻሻል እና የማዘመን ስራዎችን በየጊዜው እየሰራ መሔዱ ሁሌም እንደሚያስደስታቸው ሊቀ ካህናት ቀሲስ አፈወርቂ ተስፋ ገልጸዋል።